उपचार नपाएर कोही मर्नु पर्दैन–स्वास्थ्यमन्त्री बस्नेत

बाह्रविसेकाे १४ औँ नगरसभा

बाह्रविसे–स्वास्थ्यमन्त्री मोहनबहादुर बस्नेतले आर्थिक अभाव र गरिबीका कारण अब उपचार पाएर कोही नागरिक नमर्ने दाबी गरेका छन् ।

गृहनगर बाह्रविसे नगरपालिकाको १४ औँ नगरसभाको आइतबार उद्घाटन गर्दै उनले भने, ‘त्यस्ता नागरिकको जिम्मेवारी सरकारले लिन्छ ।’ सिन्धुपाल्चोकका गरिब नागरिकको समेत वडाध्यक्षको सिफारिसमा निशुल्क उपचार भइरहेको मन्त्री बस्नेतले बताए ।

देशभरका अस्पतालको स्तरबृद्धि गर्ने काम भइरहेको उल्लेख गर्दै उनले बाह्रविसे प्राथमिक स्वास्थ्य केन्द्र नगर अस्पतालमा स्तरबृद्धि भएको जानकारी दिए ।

सिन्धुपाल्चोकको विकासमा नेतृत्वदायी अगुवाइ गर्दै आएको दाबी गर्दै मन्त्री बस्नेतले क्षेत्र नं. १ को विकासको जिम्मेवारी पनि आफ्नै काँधमा रहेको तर्क गरे ।

नगर प्रमुख बालकृष्ण बस्नेतले समृद्ध बाह्रविसेको सपना यथार्थमा परिणत गर्न आफूहरुले काम गरिरहेको भनाइ राखे ।

नगरभित्रका सामुदायिक विद्यालयमा कक्षा १२ सम्मको शिक्षालाई निशुल्क बनाइ सकेकको जनाउँदै आफ्ना बालबालिकाको शिक्षाका लागि शरीरको सुन बिक्री गर्नु पर्ने आमाहरुको बाध्यता हटाएको जनाए ।

आफूहरुले २०८४ को चुनावलाई लक्षित नगरी आफ्नो कार्यकालभित्र २०७९ को निर्वाचनमा गरेको बाचालाई पूरा गर्ने मिसन बनाएको प्रमुख सापकोटाले धारणा राखे ।

नगर सभाले चालु वर्षको आर्थिक, बजेट लगायत विभिन्न विधेयककका संशोधन प्रस्तावहरु सर्वसम्मत पारित गरेको छ ।