सिन्धुपाल्चोक उद्योग वाणिज्य संघ : महासचिवमा इश्वर गुभाजू निर्विरोध
बाह्रविसे–सिन्धुपाल्चोक उद्योग वाणिज्य संघको महासचिवमा व्यवसायी इश्वर गुभाजू निर्विरोध निर्वाचित भएका छन् ।
नयाँ नेतृत्वको लागि यसै साता हुन गइरहेको ११ औँ अधिवेशनअन्तर्गत सोमबार मनोनयन दर्ता गराइएकोमा शक्तिशाली महासचिवमा गुभाजूको एकल उम्मेदवारी परेको हो । महासचिवसहित विभिन्न पाँच पदमा ६ जना निर्विरोध निर्वाचित भएको निर्वाचन समितिले जनाएको छ ।
सिन्धुका व्यवसायीको चुनाव : कसले कुन पदमा दिए उम्मेदवारी ? (सूचीसहित)
प्रथम उपाध्यक्षमा भेषबहादुर बस्नेत (राजेन्द्र) निर्विरोध भएका छन् । तृतीय उपाध्यक्षमा विचारी पराजुली र सहकोषाध्यक्षमा उद्धव पौडेल निर्विरोध भएका छन् । सदस्यमा महिलार्फ कल्याणी घिसिङ र चमेली श्रेष्ठ निर्विरोध निर्वाचित भएका हुन् ।
संघको नयाँ नेतृत्वका लागि अध्यक्षसहित विभिन्न १० पदमा ४६ जनाको उम्मेदवारी परेको छ । अध्यक्ष पदमा व्यवसायी बुद्धराज बस्नेत, शम्भु तिमिल्सिना र सुमन खत्रीले उम्मेदवारी दर्ता गराएका छन् ।
चैत ९ र १० गते बाह्रविसेमा संघको ११ औँ जिल्ला अधिवेशन हुँदै छ ।
सिन्धुपाल्चोक उद्योग वाणिज्य संघ : नयाँ नेतृत्वको लागि उम्मेदवारी सुरु
