सिन्धुका उद्याेगी, व्यवसायीकाे चुनाव : नेतृत्वकाे लागि मतदान जारी
बाह्रविसे-सिन्धुपाल्चाेक उद्याेग वाणिज्य संघकाे नयाँ नेतृत्वकाे लागि मतदान भइरहेकाे छ ।
बाह्रविसेस्थित कभर्डहलमा शनिबार बिहान ८ बजेदेखि सुरू मतदान साँझ ५ बजेसम्म चल्ने छ । संघका झण्डै २ हजार ५ सय प्रतिनिधिले मतदान गर्न पाउने छन् ।
संघकाे २८ औँ साधरणसभा तथा ११ औँ अधिवेशनकाे शुक्रबार पूर्वस्वास्थ्यमन्त्री माेहनबहादुर बस्नेतले उद्घाटन गरेका थिए ।
नेतृत्वकाे लागि व्यवसायीहरू बुद्धराज बस्नेत, शम्भु तिमिल्सना र सुमन खत्री प्रतिस्पर्धामा छन् ।
बरिष्ठ उपाध्यक्षमा सूर्य कार्की, विदुर पराजुली र उमेश प्रधान प्रतिस्पर्धामा उत्रिएका छन् । द्धितीय उपाध्यक्षमा इन्द्रबहादुर राउत र राजेश श्रेष्ठ उम्मेद्वार छन् ।
प्रथम उाध्यक्ष, तृतीय उपाध्यक्ष, महासचिव, सचिव र सहकाेषाध्यक्ष तथा दुई महिला सदस्यसहित सात जना निर्विराेध भएका छन् ।
१५ खुला सदस्यमा ३० उम्मेद्वार प्रतिस्पर्धामा उत्रिएका छन् । मतदान सम्पन्न भएपछि साँझबाटै मतगणना सुरू हुने निर्वाचन समितिले जनाएकाे छ ।
