स्थानीय तहको उपनिर्वाचनमा ६२ प्रतिशत मत खसेको आयोगको भनाई

काठमाडौँ-स्थानीय तहको उपनिर्वाचन अन्तर्गत विभिन्न ४१ पदका लागि आइतबार सम्पन्न मतदानमा ६२ प्रतिशत मत खसेको निर्वाचन आयोगले जानकारी दिएको छ ।

मतदानपछि विज्ञप्ती निकालेर आयोगले देशभर शान्तिपूर्ण र उत्साहजनक रुपमा मतदना सम्पन्न जानकारी दियो ।

आयोगका प्रवक्ता नीता पोखरेल अर्यालले उपनिर्वाचनका लागि २५ वटा राजनीतिक दल दर्ता भएकोमा २० वटाले उम्मेदवारी दिएको बताइन् ।

मतपेटिका संकलन भएपछि तत्काल मतगणना सुरु गर्न आयोगले निर्देशन दिएको पनि उनले जानकारी दिइन् ।

विहान ७ बजेदेखि सुरु भएको मतदान ५ बजेसम्म चलेको थियो। एक नगरपालिका, २ गाउँपालिका अध्यक्ष, तीन उपाध्यक्ष बाँकी वडा अध्यक्षको लागि उपचुनाव भएको हो।