बलेरो भोटेकोसीमा खस्दा चालक र सहचालक बेपत्ता

सिन्धुपाल्चोक–अरनिको राजमार्गमा मंगलबार दिउँसो बलेरो भोटेकोसी नदीमा खस्दा चालक र सहचालक बेपत्ता भएका छन् ।

बेपत्ता हुनेमा सर्लाही जिल्ला बरहथवा नगरपालिका–२ का बलेरो चालक २३ वर्षीय राजेशकुमार कुसहवा र रौतहट बौधिमाई नगरपालिका–१ का २५ वर्षीय सहचालक रामप्रवेश महतो रहेको जिल्ला प्रहरी कार्यालयका डिएसपी माधव खरेलले जानकारी दिए ।

उनका अुनसार तातोपानीबाट बाह्रविसेतर्फ आउँदै गरेको बा २१ च ७५४४ नम्बरको बलेरो दिउँसो साढे तीन बजेतिर भोटेकोसी गाउँपालिका–४ चाकुबाट नदीमा खसेर दुर्घटना हुँदा त्यसमा सवार दुई जना बेपत्ता भएका हुन् ।

घटना पुगेका सुरक्षाकर्मीले टुचिन लगाई दुर्घटनाग्रस्त बलेरो तान्ने क्रममा एक शब बगाएको थियो । बलेरोमा यी चालक र सहचालक मात्र रहेको जानकारी पाएको डिएसपी खरेलले बताए ।

बेपत्ताको खोजी कार्य जारी रहेको प्रहरीले बताएको छ । बलेरो सडकबाट २० मिटर तल नदीमा खसेको थियो ।