मेलम्चीबाट रास्वपाकाे दबाब अभियान सुरु

मेलम्ची-राष्ट्रिय स्वतन्त्र पार्टीले मेलम्चीबाट आइतबार दबाब अभियान सुरु गरेको छ ।

बहुचर्चित मेलम्ची खानेपानी आयोजनाको नजिकै २१ वटा रित्ता गाग्री प्रदर्शन गर्दै रास्वपाले अभियान सुरु गरेको हो । समस्याग्रस्त २१ विकासे आयोजनामा पुगेर समस्या समाथानार्थ सरकारलाई दबाब दिन अभियान थालेको रास्वपाले जनाएको छ ।

अभियानको क्रममा रास्वपाले संघीय संसदमा पार्टीबाट प्रतिनिधित्व गर्ने सबै २० सांसद मेलम्चीमा उतारेको थियो ।

रास्वपा सभापति रबि लामिछानेले ६२ अर्ब रुपैयाँ खर्च भएको आयोजना पूरा हुन नसक्नु र समस्या निम्तिरहनुमा पर्याप्त अध्ययन नभएको जिकिर गरे । पहिरोको अध्ययन नगरिकन खन्याइएको पैसा जनतालाई भार पार्नुबाहेक अरु नभएको भन्दै उनले थपे, ‘एडिबीले बाँध सार्न सुझाव दिए पनि त्यसको पर्याप्त अध्ययन भएको छैन । मेलम्ची र हेलम्बु क्षेत्र अझै जोखिममा छन् ।’

हेलम्बु–मेलम्ची क्षेत्रका स्थानीयले आयोजनाबाट २० प्रतिशत रोयल्टी पाउनु पर्ने भन्दै लामिछानेले रास्वपा त्यसको सुनिश्चितताको पक्षमा उभिने बताए ।

उपसभापति डा. स्वर्णीम वाग्लेले मेलम्ची आयोजना ‘भ्रष्टाचारको जननी’को रुपमा देखिएको आरोप लगाए । अर्बौैँ खर्च भएको आयोजना निकम्मा अवस्थामा पुगको तर्क गर्दै उनले ढिलासुस्ती र ऋणमाथी ऋण थुपारिएको, नियुक्तिमा किनबेच गरेर भ्रष्टाचार गरेका कारण मेलम्ची पुरा हुन नसकेको दाबी गरे ।
‘
महामन्त्री डा. मुकुल ढकालले काठमाण्डौवासीले पानी खान पाएका छैनौं भनेपछि रित्ता गाग्री बोकेर मेलम्चीको मुहानमा पानी भर्न आएको भन्दै सरकारलाई व्यंग गरे ।

मेलम्ची बजारबाट पैदलै हिँडेर आयोजनाको मुहानस्थल हेलम्बु र दुई वर्षअघि आयोजना र तल्लो तटीय क्षेत्रमा व्यापक भौतिक क्षति पु¥याउने गरी निम्तिएको भ्रेमाथाङ पहिरोसम्म पुग्ने कार्यक्रम रहेको रास्वपाले जनाएको छ ।