सीमापार वाणिज्य संघको अध्यक्षमा रामहरि कार्की निर्वाचित

काठमाडौँ–नेपाल हिमालय सीमापार वाणिज्य संघको अध्यक्षमा रामहरि कार्की निर्वाचित भएका छन् ।

संघको २४औँ वार्षिक साधारणसभा तथा १२औँ अधिवेशनमा कार्की ४ सय ३४ मत ल्याएर विजयी भएका हुन् ।

अध्यक्षका अर्का प्रत्यासी लोपसाङ शेर्पालाई कार्कीले १३ मतले पछाडि पारे । दुई वरिष्ठ उपाध्यक्षमा गङ्गाबहादुर घिमिरे (सागर) ४ सय ४२ मत र रामचन्द्र पराजुली ४ सय ४३ मत ल्याएर निर्वाचित भए।

यस्तै तीन सचिव पदका लागि पाँच जनाको उम्मेद्वारी परेकोमा विकासप्रसाद रिजाल, आङदोर्जे शेर्पा, तुलसी राउत (श्याम) र सुब्बा श्रेष्ठ निर्वाचित भएका छन् ।

अन्य पदाधिकारी र १९ सदस्य यसअघि नै सर्वसम्मत चयन भइसकेका छन् । संघको बरिष्ठ उपध्यक्षमा सुरेश श्रेष्ठ र उपाध्यक्षहरुमा सुजित बस्नेत, निरञ्जनकृष्ण श्रेष्ठ, ओमनाथ घिमिरे र भरत कार्की चुनिए ।

रामचन्द्र पराजुली महासचिवमा सर्वसम्मत हुँदा कोषाध्यक्ष र सहकोषाध्यक्षमा क्रमश : लालबहादुर बस्नेत र सुमन श्रेष्ठ छानिए । सर्वसम्मत हुन नसकेकाे पदमा आइतबार निर्वाचन भएकाे थियाे ।