सुरुङको ढलान भासिँदा किचिएकामध्ये १० कामदारको उद्धार, दुई बेपत्ता
चाैतारा-सिन्धुपाल्चाेककाे भाेटेकाेसी गाउँपालिकामा निर्माणाधीन जलविद्युत आयोजनाको सुरुङ ढलान भासिँदा च्यापिएकामध्ये १० कामदारको उद्धार गरिएको छ । ढलानभित्रै किचिएर अझै दुई कामदार हराइरहेकाे प्नहरीले जनाएकाे छ ।
भोटेकोसी–४ मा निर्माणाधीन झीर्पू इलेक्ट्रो पावर कम्पनी लिमिटेडको ड्यामसाइडको सुरुङ ढलान शुक्रबार दिउँसो भासिएको हो । सुरुङ ढलान गर्ने काम भइरहेको थियो । दिउँशो २ बजेतिर भएको घटनामा १२ कामदार पुरिएका थिए । पुरिएकामध्ये १० कामदारलाई घाइते अवस्थामा उद्धार गरी उपचारमा पठाइएको जिल्ला प्रहरी कार्यालयका डिएसपी निरञ्जन भट्टराईले जनाए ।
उनका अनुसार घाइतेहरुको बाह्रविसेस्थित प्राथमिक स्वास्थ्य केन्द्र र किष्टोन अस्पतालमा उपचार भइरहेको छ । केहीलाई प्राथमिक उपचारपछि धेलिखेल अस्पताल रेफर गरिएको छ ।
हराइरहेका दुई कामदारको खोजी भइरहेको डिएसपी भट्टराईले बताए । पहिचान नखुलेका उनीहरु दुई घण्टादेखि ढलानमै किचिएर हराइरहेको हुन् ।
प्रतिक्रिया
