किर्तिपुर जोगायो कांग्रेसले, मेयरमा कृष्णमान डंगोल निर्वाचित
सिन्धुपाल्चोक-प्रमुख दलहरुले राजनीतिक प्राण र प्रतिष्ठा बनाएको काठमाडौँको कीर्तिपुर नगरपालिका नेपाली कांग्रेसले जोगाएको छ ।
सोमबार राति सार्वजनिक मतपरिणामअनुसार किर्तिपुरको प्रमुखमा कांग्रेस उम्मेदवार कृष्णमान डंगोल निर्वाचित भएका छन् ।
कृष्णमानले ५ हजार ५ सय ६ मत ल्याउँदा माओवादीका शिवशरण महर्जनले ५ हजार ६७ मत पाएका छन्।
एमालेका सुरेन्द्रले ४ हजार ३ सय २६ मत मात्र पाए। अन्तिममा दोस्रो स्थानको लागि एमाले र माओवादीबीच उछिनपाछिन चलेको थियो । आखिरमा माओवादीका शिवशरण दोस्रो भए ।
किर्तिपुरमा उपनिर्वाचन भएका दुईवटा वडासमेत जित्दै कांग्रेसले यहाँको चुनाव क्लिनस्विप गरेको छ । यसअघि किर्तिपुर नगर र उपनिर्वाचन भएका दुईटा वडा कांग्रेसले नै जितेको थियो ।
प्रतिक्रिया
