रनिङ शिल्ड कब्जा गर्ने बाटोमा ईर्खु मावि

चाैतारा साँगाचाेकजढी नगरस्तरीय राष्ट्रपति रनिङ शिल्ड प्रतियाेगिता

चौतारा–डिफेन्डिङ च्याम्पियन ईर्खु मावि चौतारा साँगाचोकगढी नगरपालिका स्तरीय राष्ट्रपति रनिङ शिल्ड प्रतियोगिताको बिजेता बनेको छ ।

सदरमुकाम चौतारास्थित मिनिरंगशालामा बुधबार सम्पन्न प्रतियोगितामा सर्वाधिक २१ वटा स्वर्ण पदक बटुल्दै ईर्खु च्याम्पियन बनेको हो ।

ईर्खु लगातार दोस्रो पटक विजेता बनेको हो । यसअघि २०७९ को प्रतियोगितामा पनि ईर्खु प्रथम भएको थियो । अर्को वर्ष हुने प्रतियोगिता फेरि जितेमा ईर्खुले रनिङ शिल्डमाथि स्थायी कब्जा जमाउने छ । लगातार तीन प्रतियोगिता जितेको खण्डमा उपाधि कब्जा हुन्छ । यसअघि चौताराको कृष्ण रत्नगंगा माविले लगातार तीन प्रतियोगिता जितेर उपाधि स्थायी कब्जा गरेको थियो ।

१४ स्वर्ण पदकसहित कृष्णरत्न गंगा यो पटक पनि उपविजेतामा सिमित रह्यो । आठ स्वर्ण बटुल्दै सेतीदेवी मावि स्याउलेले तेस्रो स्थान हाँसिल ग¥यो ।

सोमबादेखि तीन दिन चलेको प्रतियोगितामा नगरभित्रका २३ माविका १ हजार ६ सय सिवद्यार्थीले प्रतिस्पर्धा गरेको आयोजक नगर खेलकुद विकास समितिका अध्यक्ष अमृतमान श्रेष्ठले जानकारी दिए ।

प्रतियोगितामा एथलेटिक्समा मात्रै छात्र र छात्राका लागि २६ विधामा स्पर्धा भएको थियो । त्यस्तै छात्र/छात्रा भलिबल, कबड्डी, उसु, तेक्वान्दो, कराँते स्पर्धामा सहभागिले प्रतिस्पर्धा गरेका थिए । ६६ स्वर्ण पदकको लागि प्रतिस्पर्धा भएको थियो ।

विजेता ईर्खुले १५, रत्नगंगाले १२ र तेस्रो हुने सेतीदेवीले ९ हजार रुपैयाँ नगद पुरस्कार पाए । नगर प्रमुख कृष्णप्रसाद सापकोटा ‘देशबन्धु’ उपप्रमख सीता थापा लगायतले विजेता विद्यालय तथा विद्यार्थीलाई शिल्ड, कप, मेडल, प्रमाणपत्र र नगद पुरस्कार वितरण गरेका थिए ।