पाँच विद्यालय अघिल्लाे चरणमा
दोस्रो चौतारा स्पोर्टिङ्ग क्लव नगरस्तरीय मावि ७ए साइड फुटबल प्रतियोगिता
चौतारा-दोस्रो चौतारा स्पोर्टिङ्ग क्लव नगरस्तरीय मावि ७ए साइड फुटबल प्रतियोगिताको पहिलो दिन बिहीबार विभिन्न पाँच विद्यालय जित निकाल्दै अघिल्लो चरण प्रवेश गरेका छन् ।
चौतारास्थित टुँडिखेल मिनिरंगशालामा भएका खेलमा ज्ञानमन्दिर नमुना मावि मेलचौर, जनविकास मावि साँगाचोक, ईर्खु मावि ईर्खु, इन्द्रावती मावि भीमटार र सिद्धिगणेश मावि सानोसिरुवारी विजयी भएका हुन् ।
ज्ञानमन्दिरले कालिकादेवी मावि कदमवासलाई ४–०, जनविकासले कुण्डलादेवी मावि ठूलोसिरुवारीलाई पेनाल्टीमा ४–३, ईर्खुले जुगल बोर्डिङ स्कुल चौतारालाई ४–०, इन्द्रावतीले सिद्धिकमला मावि पीपलडाँडालाई १–० र सिद्धिगणेशले डडुवा भवानीशंकर माविलाई २–० गोलले हराउँदै अगाडि बढेका हुन् ।
चौतारा स्पोर्टिङ्ग क्लवको आयोजनामा सुरु भएको प्रतियोगिताको चौतारा साँगाचोकगढी नगरपालिकाका प्रमुख कृष्णप्रसाद सापकोटाले उद्घाटन गरेका थिए । तीन दिन शनिबारसम्म सञ्चालन हुने प्रतियोगितामा चौतारा नगरका १४ माविले भाग लिएका छन् ।
प्रतियोगिताको बिजेता विद्यालयले उपाधिसहित नगद पुरस्कार ३० हजार रुपैयाँ जित्ने छ । उपबिजेताले २० हजार रुपैयाँ नगद पुरस्कार हात पार्ने छ ।
सम्वन्धित समाचार