प्रथम प्रविण घले स्मृति कप फुटबल मंगलबारदेखि

प्रतियोगिताको विजेताले १ लाख ५१ हजार १ सय ५१ रुपैयाँ धनराशीको पुरस्कार पाउने छ । उपविजेताले ७५ हजार ५ सय ५५ रुपैयाँ नगद पुरस्कार हात पार्ने छ ।

चौतारा–सिन्धुपाल्चोक सदरमुकाम चौतारामा मंगलबारदेखि सुरु हुने प्रथम प्रविण घले स्मृति कप फुटबल प्रतियोगिताको तयारी अन्तिम चरणमा पुगेको छ ।

आयोजक लिल फङ (घले समाज) ले आइतबार चौतारामा गरेको पत्रकार सम्मेलनमा टाइसिट सार्वजनिक गर्दै प्रतियोगिताको तयारी बारे जानकारी दिएको हो । टुँडिखेलस्थित मिनिरंगशालामा सातासम्म चल्ने प्रतियोगिता ७ ए साइड संचरनाको हुने लिल फङले जनाएको छ ।

सार्वजनिक खेल तालिका अनुसार प्रतियोगितामा १६ टोलीले प्रतिस्पर्धा गर्ने भएका छन् । नकआउटका आधारमा सञ्चालन हुने प्रतियोगिताको उद्घाटन खेल चौतारा–१ स्याउले र मेलचौर युवा जगारण समाजबीच हुने छ ।

माघ १ गतेसम्म सञ्चालन हुने प्रतियोगिताको विजेताले १ लाख ५१ हजार १ सय ५१ रुपैयाँ धनराशीको पुरस्कार पाउने छ । उपविजेताले ७५ हजार ५ सय ५५ रुपैयाँ नगद पुरस्कार हात पार्ने छ । प्रत्येक खेलका म्यान अफ द म्याच र प्रतियोगिताको उत्कृष्ट गोल रक्षक, डिफेन्स, मिडफिल्डर, स्ट्राइकर र सर्वाधिक गोलकर्तालाई ट्रफीसहित आकर्षक नगद पुरस्कार प्रदान गरिने आयोजकले जनाएको छ ।

स्मृतिमा फुटवल प्रतियोगिता आयोजना गरिएका स्वर्गीय प्रविण घले चौताराका सवाजसेवी थिए । स्थानीय वनदेवी माविको अध्यक्ष रहेकै बखत जटिल रोगका कारण केही वर्षअघि मात्र उनको निधन भएको थियाे । २०७४ को स्थानीय निर्वाचनमा चौतारा–५ को वडा सदस्यमा निर्वाचित भएका घलेले केही समय कार्यवाहक अध्यक्षको जिम्मेवारी पनि निर्वाह गरेका थिए ।

प्रतियोगिताको उद्घाटन चौतारा साँगाचोकगढी नगरपालिकाका मेयर कृष्णप्रसाद सापकोटा र समापन बागमती प्रदेशका भौतिक तथा योजनामन्त्री युवराज दुलालले गर्ने कार्यक्रम आयोजकले तय गरेको छ ।

घले समुदायको मुग ल्हो (घले समुदायको ल्होसार) को अवसर पारेर प्रतियोगिता आयोजना गरिएको हो । समापन कार्यक्रममा विशेष साँस्कृतिक कार्यक्रम गरी ल्होसार मनाउने तयारीसमेत गरिएको छ ।

स्मृतिमा फुटवल प्रतियोगिता आयोजना गरिएका स्वर्गीय प्रविण घले चौताराका सवाजसेवी थिए । स्थानीय वनदेवी माविको अध्यक्ष रहेकै बखत जटिल रोगका कारण केही वर्षअघि मात्र उनको निधन भएको थियाे । २०७४ को स्थानीय निर्वाचनमा चौतारा–५ को वडा सदस्यमा निर्वाचित भएका घलेले केही समय कार्यवाहक अध्यक्षको जिम्मेवारी पनि निर्वाह गरेका थिए ।

यस्ताे छ खेल तालिका :