प्रथम प्रविण घले स्मृति कप : पहिलो दिन दुई टोलीलाई सफलता
सिन्धुपाल्चाेक–प्रथम प्रविण घले स्मृति कप फुटबल प्रतियोगितामा मेलचौर युवा जागरण समाज र गाती युथ क्लबले बिजयी सुरुवात गरेका छन् ।
सुरज लामाको ह्याट्रिक गोल प्रेरित उद्घाटन खेलमा जागरण समाजले चौतारा–१ स्याउलेविरुद्ध ०–४ को शानदार जित निकाल्यो । चौताराको टुँडिखेलस्थित मिनिरंगशालामा मगलबार भएको खेलमा जागरण समाजका लामा एक्लैले तीन गोल गरेर ह्याट्रिक पुरा गरेका हुन् । उनी नै खेलको म्यान अफ द म्याच भए ।
प्रतिस्पर्धात्मक दोस्रो खेलमा गातीले चौतारा–६ पीपलडाँडालाई पेनाल्टीमा ३–२ ले स्तब्ध पार्यो । यसअघि निर्धारित समयको खेल २–२ को बराबरीमा सकिएपछि खेल सिधै पेनाल्टी प्रहारमा पुगेको थियो । गोलकिपर राजकुमार गुभाजूले शानदार प्रदर्शन गर्दा गातीले बाजी मार्यो । उनी नै खेलकोे म्यान अफ द म्याच भए ।
म्यान अफ द म्याच बनेका दुबै खेलाडीले नगद १ हजार रुपैयाँ पुरस्कार र ट्रफी पाए । बिजेता दुबै टोलीले क्वाटर फाइनलमा स्थान बनाएका छन् ।
लिल फङ (घले समाज) को आयोजनामा मंगलबारदेखि सुरु ७ ए साइड फुटबल प्रतियोगिताको चौतारा साँगाचोकगढी नगरपालिकाका प्रमुख कृष्णप्रसाद सापकोटाले उद्घाटन गरेका थिए । प्रतियोगितामा १६ टोलीले प्रतिस्पर्धा गर्दै छन् ।
माघ १ गतेसम्म सञ्चालन हुने प्रतियोगिताको विजेताले १ लाख ५१ हजार १ सय ५१ रुपैयाँ धनराशीको पुरस्कार पाउने छ । उपविजेताले ७५ हजार ५ सय ५५ रुपैयाँ नगद पुरस्कार हात पार्ने छ ।
सम्वन्धित समाचार
प्रथम प्रविण घले स्मृति कप फुटबल मंगलबारदेखि
