प्रथम प्रविण घले स्मृति कप : सिएससीसहित चार टोली अन्तिम आठमा
चौतfरा–युवा खेलाडी विशालजंग रायमाझीको प्रेरणादायी प्रदर्शनमा चौतारा स्पोर्टिङ कलब (सिएससी) प्रथम प्रविण घले स्मृति कप ७ ए साइड फुटबल प्रतियोगिताको अन्तिम आठमा पुगेको छ ।
चौताराको टुँडिखेल मैदानमा बुधबार भएको खेलमा सिएससीले जलकेनी युवा क्लबलाई एकपक्षीय रुपमा ५ -१ ले हरायो । सिएससीको जितमा विशालजंग एक्लैले दुई गोल गरे । उनी नै खेलको म्यान अफ द म्याच बने ।
‘उपािध सपना नदेखेका हैनौँ । त्योभन्दा अघि हामी बलियो टोली बनाउन लागेका छौँ,’ सिएससीका प्रशिक्षक राकेश रानाले वरकोबोटसँग भने, ‘आज कमजोर टोलीविरुद्ध खेलेको होइनौँ । बलियो टोलीलाई कमजोर सावित गरेका हौँ ।’ आफ्नो टोली झन् बलियो बनेर आउने रानाको दाबी छ ।
यसअघि आजै भएको खेलमा रोयल फेमिली चौताराले जिल्ला प्रहरी कार्यालयलाई ३–१ ले हरायो । अर्को खेलमा इन्द्रावती गापा–३ कुञ्चोकसँग धार्पा फुटबल क्लव बाह्रविसे ४–१ ले पराजित भयो । बाह्रविसेकै बाह्रदेवीले भने गौराति युथ क्लबलाई २–१ ले पराजित गर्यो ।
बिजयी सबै टोली क्वाटर फाइनल पुगेका छन् ।