प्रथम प्रविण घले स्मृति कप : सेमिफाइनल पुग्ने चारै टोलीको टुंगो
चौतारा–प्रथम प्रविण घले स्मृति कप ७ए साइड फुटबल प्रतियोगिताको सेमिफाइनलमा पुग्ने चारवटै टोलीको टुंगो लागेको छ ।
चौताराको मिनीष्शालामा शुक्रबार सम्पन्न क्वाटर फाइनलका चार खेलपछि अन्तिम चारको समिकरण पुरा भएको हो ।
बाह्रदेवी फुटबल क्लब बाह्रविसे, गाती युथ क्लब, सिन्धुपाल्चोक फुटबल क्लब र रोयल फेमिली चौताराले सेमिफाइलनमा स्थान बनाएका हुन् ।
पहिलो खेलमा बाह्रदेवीले मेलचौर युवा जागरण समाजलाई १–० ले हराउँदा अर्को सेमिफाइनलमा गातीले चौतारा फुटबल क्लबलाई पेनाल्टी सुटआउटमा ४–२ गोलले पराजित ग¥यो ।
इन्द्रावती–३ कुञ्चोकविरुद्ध सिन्धुपाल्चाेकले ०–१ को जित निकाल्दा चौताराका दुई घरेलु टोलीबीच निकै रोमाञ्चक र प्रतिस्पर्धात्मक अन्तिम खेलमा रोयलले चौतारा स्पोर्टिङ क्लबलाई २–१ ले स्तब्ध बनायो ।
सेमिफाइनलका दुबै खेल शनिबार हुने छन् । दिउँसो साढे १ बजे बाह्रदेवी र गाती भिड्दा साढे ३ बजे रोयल फेमिली र सिन्धुपाल्चोक प्रतिस्पर्धा गर्ने छन् । प्रतियोगिताको उपाधि भिडन्त सोमबार हुने छ ।
लिल फङ (घले समाज) द्धारा आयोजित प्रतियोगिताको विजेताले १ लाख ५१ हजार १ सय ५१ रुपैयाँ र उपविजेताले ७५ हजार ५ सय ५५ रुपैयाँ नगद पुरस्कार पाउने छन्।
सम्वन्धित समाचार
प्रथम प्रविण घले स्मृति कप : क्वाटरफाइनल समीकरण पूरा
प्रथम प्रविण घले स्मृति कप : सिएससीसहित चार टोली अन्तिम आठमा